Casual and serious thoughts / ಹಗುರ ಗಂಭೀರ ಆಲೋಚನೆಗಳು

Click here for audio recitation 🔊 Twenty years from now you will be more disappointed by the things you didn't do than by the ones you did.  So throw off the bowlines. Sail away from the safe harbor. Catch the trade winds in your sails.  Explore. Dream. Discover. - Mark Twain ವರುಷಗಳುರುಳುತ್ತವೆ ದಶಕಗಳು ಸವೆಯುತ್ತವೆ ಮುಂದೊಮ್ಮೆ ದಶಕಗಳಾಚೆಗೆ ಹಿಂತಿರುಗಿ ನೋಡಿದೊಡೆ ಕಾಣುವುದೇನ್‌ ಗತಕಾಲದೊಳ್‌? ಮಾಡದ್ದಿದ್ದಕ್ಕೆ ನಿರಾಸೆಗಳೋ ಮಾಡಿದ್ದಕೆ ಪಶ್ಚಾತಾಪ, ಹೆಮ್ಮೆಗಳೋ? ಕಳಚಿಂದು ಸರಪಳಿಯ  ದೂಡು ನೀ ಹಾಯ್ದೋಣಿಯನು॥ ತೇಲಿಹೋಗಲಿ ಅಬ್ಬರದ ಸಾಗರದಿ ಮುಳುಗೇಳಲಿ,    ಓಣಗಲಿ ಬರಿ ಬಿಸಿಲಲಿ। ಬಂದರಿನಾ ರಕ್ಷಣೆಯೇನ್‌ ಈ ನೌಕೆಯಾ ಸಾಫಲ್ಯತೆ? ಹೊರಬಂದು ನೀನಾನ್ವೇಷಿಸು ಕನಸುಗಳ ಬೆನ್ನೇರಿ। ದೂರ ದೂರಕೆ ಇರಲಿ ಪಯಣ ಕಳೆಯದಿರು ವ್ಯರ್ಥದಲಿ  ಕ್ಷಣಗಳನು ನೀ ಜಾಣ॥

  AI generated image Click here for audio recitation 🔊 ನೆನ್ನೆಯ ತನಕ ಘಾಡವಿದ್ದು ಇಂದೇಕೆ ದೂರ ಸರಿದೆ? ನನ್ನಲೇನು ಹುಳುಕ ಕಂಡೆ ಸ್ನೇಹ ಬಳ್ಳಿಯ ನೀನೇಕೆ ಕಡಿದೆ? ಮೌನವೇಕೆ ತಿಳಿಯಹೇಳು ಹೇಳಲೇಕೆ ನನ್ನಲ್ಲಿ ಬಿಗುವು ನಕ್ಕು, ಅತ್ತ ದಿನವ ನೆನೆದು ನೀನಳುಕ ಪದರ ಹರಿದು ಬಿಚ್ಚು॥ ತಪ್ಪು ನನ್ನದೆ ಇರಲುಬಹುದು ಅದರ ಅರಿವು ನನಗೆ ಇರದು ಮೌನವೆಲ್ಲಿ ಇದಕೆ ಮದ್ದು ತೆರೆದು ನೀನೇ ಹೇಳಬಹುದು॥ ಸ್ನೇಹ ಹೂವಿಗೆಂತಹ ಮುಳ್ಳು? ಈ ಕೋಪವಿರಬಹುದೆ ಸುಳ್ಳು? ಅರಿವುದೆಂತು ತಿಳಿವುದೆಂತು? ಬಿಚ್ಚಿ ನೀನು ಮಾತನಾಡು॥ ತೇಲಿ ಹೋಗಿಹೆ ದಿಕ್ಕು ಬೇರೆ ಸೇರತೊಡಗಿದೆ ಬೇರೆ ದಡಕೆ ಭಾರವಾಗಿ ಮುಳುಗಿ ಹೋಗಿಹೆ ಕತ್ತಲಲ್ಲಿ ಕಲೆತು ಕರಗಿಹೆ॥ ಹಳೆಯ ನೆನಪಿನ ಸೆಳೆಯ ಪಾಷ ಮಾಡದಿರಲಿ ಈ ನಂಟ ನಾಶ ದಾರ ಕೀಳಲು ಪಟವು ಹಾರಲಿ ದಿಗಂತದಾಚೆ ಹೋಗಿ ಸೇರಲಿ॥ ನೇನಪು ಉಳಿಯಲಿ ಚಿತ್ರಪಟದಲಿ ನಕ್ಕು ನಲಿದ ಕ್ಷಣವು ಮೂಡಲಿ ಮೆಲಕು ಹಾಕುವೆ ನಾ ಒಂಟಿಯಾಗಿ ಜಾಣ, ನೆನೆಪು ಮರೆಯಲಿ ಹಗುರವಾಗಿ॥

  ಚಿತ್ರ ಕೃಪೆ: ಶ್ರೀ ಹರ್ಷ ಶಂಕರನಾರಾಯಣ Click here for audio recitation 🔊 ಗಗನ ಚುಂಬಿತ ಪರ್ವತಶೃಂಗ ಶೃಂಗಕಂಟಿದ ನೀಲಿಯ ರಂಗ ರಂಗನು ಅಣುಕಿಸುವ ಪ್ರತಿಬಿಂಬ॥ ಬಿಂಬವೇನ್ಹುಸಿಯೋ ಬಿಂಬವು ಸತ್ಯ ಸತ್ಯಕೇನು ಸರಿಸಾಟಿಯ ಮಿತ್ಯ ಮಿತ್ಯವಿದಾದರೆ ಸತ್ಯವದೆಲ್ಲಿ? ಇಲ್ಲಿಯ ನೋಟವು ಮನದಿ ಭ್ರಮೆಯೋ ಭ್ರಮೆ ಇದಾದೊಡೆ ಮೂಲವ ಹುಡುಕೆ ಹುಡುಕುವುದೆಲ್ಲಿ ಬಾನೋ ಮನವೋ॥ ಮನದಲಿ ಶಾಂತಿಯ ತಿಳಿ ತಿಳಿ ನೀರು ನೀರದು ಕದಡದೆ ನಿಲ್ಲಲು ಸ್ಥಿರವು ಸ್ಥಿರ ನೀ ಜಾಣ ಮಾಯೆಯ ಕಾಣೋ॥ - ನಾ ಶ್ರೀ ಮೋ

With my machines. Generally, I stick to my native language Kannada to express myself through poetry and in English to express through prose. This one of my few and rare attempts to write in English.  A Rider’s dream I want to go further, boots strapped tight, To distant places, far from sight, Where few have wandered, bold and free, Where the roads are calling, out to me. Goggles down, helmet on my head, Beard beneath, and wind ahead, Revving my bike, through dust I tread. I want to go further, boots strapped tight, To distant places, far from sight I want to go further, boots still worn, To those places, where new paths are born,  Where few have ventured, unadorned. I want to go further, boots strapped tight, To distant places, far from sight Riding gear, not for show or pride, Not to look slick, but survive the ride, An old fool riding with life on his side. I want to go further, boots strapped tight, To distant places, far from sight I want to go further, boot...

An AI generated Image (NSM 30112024) Click here for Audio recitation ನನ್ನ ಕಣ್ಣೀರಿರಲಿ ನನ್ನಾತ್ಮ ಶುದ್ದಿಗೆ ಬರಿಯ ತೋರಿಕೆಯಲ್ಲ, ಅಂತರಾತ್ಮನ ಕೂಗು। ಪರಿತಪಿಸಿ ಕೊರಗುತಿಹೆ, ಪಾಪಕ್ಕೆ ಪರಿಹಾರ ನನ್ನ ಕಣ್ಣೀರಿರಲಿ ನನ್ನಾತ್ಮ ಶುದ್ಧಿಗೆ॥ ಬ್ರಾಹ್ಮಿಯಲಿ ನಾನೆದ್ದು, ಆಗಸವ ನೋಡಿದೆನು। ನೋಡನೋಡುತಲೆದ್ದ ಉದಯ ರವಿಯು। ಹಕ್ಕಿಗಳ ಸಂತಸದ ಸಂಭ್ರಮಕೆ ಸೋತಮನ ನನ್ನ ಅರಿವಿಗೆ ಮೀರಿದೀ ಬಾಷ್ಪಗಳು। ನನ್ನ ಕಣ್ಣೀರಿರಲಿ ನನ್ನಾತ್ಮ ಶುದ್ಧಿಗೆ॥ ಕೃತ ಹಲವು ಪಾಪಗಳು, ಹೇಳಲಾರದ ತಾಪ। ನಿಜದಿ ಪರಿತಪಿಸುತಿರುವೆ, ಗತ ಕಾರ್ಯಕೆ। ಅಳಿಯಲಾಗದು, ಅದಚ್ಚೊತ್ತಿ ಕೂತಿಹುದು ಅದ ನೆನೆದು ಇಂದು ನಾ ತೊಳಿಯಲಿಚ್ಚಿಸಲು ನನ್ನ ಕಣ್ಣೀರಿರಲಿ ನನ್ನಾತ್ಮ ಶುದ್ಧಿಗೆ॥ ಪರಬ್ರಹ್ಮನೆಡೆ ನಡೆಯುವುದ ನಾ ಮರೆತು। ಮೆರೆದೆ ಮಿತಿಮೀರಿ ನಾನು ಎನ್ನಹಂಕಾರದಿ। ಅದರ ಅರಿವು ಇಂದಾಗಿ ಕೊರಗಿ ಕರಗಿದ ಮನ ಕರಗಿ ಕಣ್ಣೀರಾಗಿ ಈಗ ಹೊರ ಹೊಮ್ಮಿದೆ ನನ್ನ ಕಣ್ಣೀರಿರಲಿ ನನ್ನಾತ್ಮ ಶುದ್ಧಿಗೆ॥ ಆತ್ಮಕ್ಕೇನು ಬಿಸಿ ಧಗೆಯು, ಅದಕೇನು ಶೀತೋಶ್ಣ? ಅದಕೆಲ್ಲಿಯ ಕೊರಗು, ಸಂತಾಪ ಮೈಲಿಗೆಯು। ಅದಕೆಲ್ಲಿಯ ಸುಖ ದುಃಖ, ಅದಕೇನು ಏರಿಳಿತ? ಸಮಚಿತ್ತಕೆ ಹಾತೊರೆದು, ಹುಲುಬುತ್ತ ಹಂಬಲಿಸೆ ನನ್ನ ಕಣ್ಣೀರಿರಲಿ ಜಾಣ ಮನ ಶುದ್ಧಿಗೆ॥ - ನಾ ಶ್ರೀ ಮೋ

Click here for Audio recitation ಬಾಡಿಗೆಯ ಮನೆ ಇದು ಕೆಲಕಾಲ ತಂಗುವೆವು। ಮೆರೆಯುವೆವು ನಮದೆಂದು ಸಿಂಗರಿಸಿ ನನದೆಂದು॥ ಸುಣ್ಣ, ಬಣ್ಣಗಳಿರಬೇಕು, ಕಾಲ ಕಾಲಕ್ಕೆ ದುರಸ್ತಿ। ವೆಚ್ಚವೆಲ್ಲೆ ಇದ ನೀನು ಹೆಚ್ಚೆನದೆ ವ್ಯಯಿಸಬೇಕು॥ ಬರಿಬಾಡಿಗೆಯ ಮನೆಗೇಕೆ ಈ ದುಬಾರಿ ಖರ್ಚುಗಳು? ತರ ತರದ ತೋರಿಕೆಯು ಥಳುಕು, ಬಳುಕಿನ ಆಟ? ಕಾಲವಿದದರ ಬಾಡಿಗೆಯು ಕಾಲ ಕಾಲಕ್ಕೆ ಕೊಡುತಿಹೆವು। ಕಾಲ ಮುಗಿದಂತೆ  ಓಡಿಸಿ ಖಾಲಿಮಾಡೆನ್ನುವರು॥ ಇದ್ದ ಕೆಲ ದಿನದಲ್ಲಿ ನೆರೆಯವಗೆ ಹೊರೆ ಬೇಡ।  ಹಗೆ ಬೇಡ, ನಗೆ ಚಲ್ಲು ಜಾಣ ನೀ ಬಾಡಿಗೆದಾರನಾಗು॥ - ನಾ ಶ್ರೀ ಮೋ