Casual and serious thoughts / ಹಗುರ ಗಂಭೀರ ಆಲೋಚನೆಗಳು

  ಯುಗಯುಗಕೆ ಮರುಕಳಿಸಿಬರುವವು ಯುದ್ಧಗಳು| ಹಗೆತನವೋ, ಅಹಂಕಾರ, ಪ್ರತೀಕಾರದ ನೆಪವು। ಅವರಿಬ್ಬರೂ ನಾಯಕರು, ನಾವು ಹಿಂಬಾಲಕರು| ಆ ಪಕ್ಷವೀ ಪಕ್ಷಕ್ಕೆ ನಾವುಗಳು ಸೇರಿದವರು॥ ಎಂದೂ ಚದುರಂಗಾಟದಲಿ ಸೈನಿಕನಿಗೇನು ಬೆಲೆ? ಬಲಿಕೊಟ್ಟು, ತಗೆದು ಸೇರುವ ಕಾಯಿ ಮೂಲೆ। ಕುದುರೆ, ಆನೆ, ಓಂಟೆ ಅವರಿಗಿಂತಲು ಮೇಲೆ। ಮುನ್ನುಗ್ಗುವ ಒಂದಡಿಯಿನ ಬರಿಯರಚುವ ತಲೆ॥ ಕೊನೆಗೊಮ್ಮೆ ಎಂದೋ ಮುಗಿಯುವುದೀ ಯುದ್ಧ। ಯಾರೊ ಅವರಲಿ ಸೊತ ಮತ್ತೊಬ್ಬ ಗೆದ್ದ। ಹಗೆತನದ ಹೊಗೆ ಹೋಗಿ ಸವರಿದರು ಸ್ನೇಹದ ಮದ್ದು ಕ್ಷೀಣಿಸಿತು ಗದ್ದಲಗಳು, ನಿಂತಿತು ಕಹಳೆಯ ಶಬ್ಧ॥ ಕಾಯುತ್ತಿದ್ದಳು ಮುದಿಯೊಬ್ಬಳು ನೋಡಲು ಸತ್ತ ಮಗನ। ಹರೆಯದ ಹೆಂಗಳು ಹಂಬಲಿಸಿ ಹಾ-ತೊರೆದರು ಹುತಾತ್ಮ ಪ್ರಿಯತಮನ। ತಬ್ಬಲಿಯ ಮಕ್ಕಳು ಕೊಳ್ಳಿಟ್ಟರು ಅಪ್ಪನ ಚಿತೆಗೆ। ಅಂತೂ ಕೊನೆಯಾಯಿತೆ ಈ ಎಲ್ಲ ವ್ಯಥೆಗೆ॥ ಮುಗಿಯಿತು ಈ ಯುದ್ಧ, ಬರಲಿ ಸತ್ತವರಿಗೆ ಸ್ಮಾರಕ। ವರುಷಕ್ಕೊಮ್ಮೆ ನೆನೆದು ಹೂಗುಚ್ಚವಿಡಲಿ ನಾಯಕ। ಮುಗಿಯಿತಲ್ಲ ಸಧ್ಯಕ್ಕೆ ರಕ್ತ, ಕಣ್ಣೀರಿನ ಅಭಿಷೇಕ। ನಾಯಕರು ದೇವರುಗಳು ಅವ ಜಾಣ ನಮ್ಮ ಪೋಷಕ॥ - ನಾ ಶ್ರೀ ಮೋ

  🔊 Click here for audio recitation ಇದೇನು ವಿಸ್ಮಯವು, ಏನು ವಿಪ ರ್ಯಾಸ ಕಾಲಗಳಲಿ ಎಂದು ಕಾಲ ತೂರುವುದೋ? ಎನ್ನ ಭೂತಗಳೆಲ್ಲ ಇಂದು ವರ್ತಮಾನಗಳಾಗಿ ಭವಿಷ್ಯದ ಮೆಲೆ ಬೆಳಕು ಛಾಯೆಗಳ ಚೆಲ್ಲುತ್ತ ಕಾಲಚಕ್ರವಿದೆಂದು ತಿರುತಿರುಗಿ ತಿರುಗಿಸಿ ಇದೇನು ವಿಸ್ಮಯವು, ಏನು ವಿಪ ರ್ಯಾಸ ಕಾಲಗಳಲಿ ಎಂದು ಕಾಲ ತೂರುವುದೋ? ಭೂತಕಾಲದ ಕಂಥೆಗಳು, ಕಥೆ, ಖಾಂಡಗಳು ಅದನಂದು ಬರೆಯಲು ಅದರ ಪ್ರೇರಣೆಯೇನು? ಅದರ ಹಿಂದಿನ ಕೃತ ನನ್ನ ಅಂದಿನ ಕರ್ಮಗಳೇನು? ಇದೇನು ವಿಸ್ಮಯವು, ಏನು ವಿಪ ರ್ಯಾಸ ಕಾಲಗಳಲಿ ಎಂದು ಕಾಲ ತೂರುವುದೋ? ವರ್ತಮಾನದ ಮಾನದಂಡವು ಅದೇನು? ಮುಂಬರುವದಕೆ ಇದು ನಾಂದಿಯು। ಮುನ್ನಡೆವುದೆಲ್ಲಕೂ ಇದು ಕಾರಣವಾಗೆ ಇದೇನು ವಿಸ್ಮಯವು, ಏನು ವಿಪ ರ್ಯಾಸ ಕಾಲಗಳಲಿ ಎಂದು ಕಾಲ ತೂರುವುದೋ? ಭವಿಷ್ಯವ ಕಳೆತು ಬಲ್ಲವ ನಾನು ಅದು ಇಂದು ನಡೆದ/ರೆಲ್ಲ ಫಲವು ಇಂದು ನಡೆವುದೆಲ್ಲ ನಿನ್ನೆಯ ಕರ್ಮಗಳು ಇದೇನು ವಿಸ್ಮಯವು, ಏನು ವಿಪ ರ್ಯಾಸ ಕಾಲಗಳಲಿ ಎಂದೂ ಕಾಲ ತೂರುವುದು ಜಾಣ ॥ - ನಾ ಶ್ರೀ ಮೋ