ನಡುವೆ

 

ಕಪ್ಪಲ್ಲ ಬಿಳುಪಲ್ಲ ಹೊಳಪು ಥಳಕುಗಳಿಲ್ಲ।

ಕಂಡದ್ದು ನೋಡಿದ್ದು ಬೆಳಕು ಕತ್ತಲೆಯಲ್ಲ।

ತಿಂದ್ದು ಕುಡಿದದ್ದು ಸಿಹಿ ಖಾರಗಳಲ್ಲ।

ಮಿಶ್ರಿತ ಮಿಲನವು ಅತಿರೇಕ ಬೇಕಿಲ್ಲ॥

ನೀನಲ್ಲ ನಾನಲ್ಲ ನನ್ನನಿನ್ನದೇನಿಲ್ಲ

ಬೋಳಲ್ಲ ಹಸಿರಲ್ಲ ಸುತ್ತಲಿನ ಮರವೆಲ್ಲ

ಕಾಡಲ್ಲ ಕಡಲಲ್ಲ ಬರಡಲ್ಲ ಗೊರಡಲ್ಲ

ಮಿಶ್ರಿತ ಮಿಲನವು ಅತಿರೇಕ ಬೇಕಿಲ್ಲ॥

ದೇವಾಮೃತ ದಾನವರ ವಿಶವಲ್ಲ

ಗೋಚರನೋ ಅಗೋಚರನೂಅಲ್ಲ

ನಾಸ್ತಿಕ ಪರಮ ವೈದಿಕನೂ ಅಲ್ಲ

ಮಿಶ್ರಿತ ಮಿಲನವು ಅತಿರೇಕ ಬೇಕಿಲ್ಲ॥

ಸಮಚಿತ್ತದಿ ನೋಡಿ ಅನಿಸ್ಚಿತವಿದೆಲ್ಲ

ಮಾಡದಿರೆ ಅಪೇಕ್ಷೆ ಉಪೇಕ್ಷಗಳಿದಕೆಲ್ಲ

ತಿಳಿದಿದ್ದು ಇದೊಂದು ತಿರುತಿರುವಾಗಾಣ

ನಡುವೆ ಅಛಲದಿ ನಿಂತವನೆ ನಿಜದೀ ಜಾಣ॥