ಮರೆಯಲಾರದ ಹಾಡು

Click here for audio recitation

ಅದೇಕೋ ಈ ಮುಂಜಾನೆ

ನನಗೇ ಅರಿವಿಲ್ಲದೆಯೆ

ಮನಹೊಕ್ಕು ಸುಳಿದಾಡಿತು

ಮರೆಯಲಾರದ ಹಾಡು||

ಹಾಡಿನ ಭಾವವೋ

ಅದರ ಒಳಾರ್ಥವೋ

ಹಾಡಿದಾ ಮೋಹಕ ದನಿಯೋ

ಹೇಗೆ ನುಸಿಳಿತೋ ಏನಗೆ ತಿಳಿಯದೆಯೆ||

ಹೊರದೂಡಲಿಚ್ಚಸದೆಯೆ

ಮೆಲಕು ಹಾಕುತ್ತಿದ್ದೆ ಮನದೊಳು

ಕೇಳಲಸ್ಪಶ್ಠ ಮೆಲುದನಿಯೊಳು

ಕೇಳುತ್ತಿದ್ದವು ಕಿವಿ, ಕಿವಿಗೊಡದೆಯೆ||

ಸಾಗರದಾಲೆಗಳಂತೆ ಮರುಕಳಿ ಬರುತಿಹವು

ತನ್ನ ಛಂದಿಸ್ಸಿನ ಛಾಪವನು ಮೂಡುತ್ತ

ಋುತುಗಳಾ ಸಮಯ ನಿಖರತೆಯಲಿ

ಮತ್ತೊಮ್ಮೆ ಮಗದೊಮ್ಮೆ ಹೊರಹೊರಳಿಸಿ||

ಕಾಡುತಿಹುದೇಕೊ ಸುಮ್ಮನಿರಗೊಡದೆ

ಶಾಂತತೆಯ ತೋರಿ ಚಲನಕ್ರಿಯೆಯೂ ಆಗಿ

ನೆಮ್ಮದಿಯ ನೀಡುತ್ತ ನಿಶ್ಕ್ರಿಯೆಯು ಆಗಿಸದೆ

ತಂಗಾಳಿಯಂತಾಗಿ ಬಿರುಗಾಳಿಬೀಸುತಿದೆ||

ಅದೇಕೋ ಈ ಮುಂಜಾನೆ

ನನಗೇ ಅರಿವಿಲ್ಲದೆಯೆ

ಮನಹೊಕ್ಕು ಸುಳಿದಾಡಿತು

ಮರೆಯಲಾರದ ಹಾಡು||

• ನಾ ಶ್ರೀ ಮೋಹನ